Libertat in Papiamento by Philip A. Rademaker

Libertat

Libertat Si libertat ta:
Abo sera bo boka
pasobra ami tin kos di bisa

Si libertat ta:
Abo será pa nos por biba sin miedu
ku bo por pèrdè kòntròl
i ta òf ta aktua otro for di nos

Si libertat ta:
Prepará pa mañan dañando awe

Si libertat ta:
Sera porta sinta protehá mira riba pantaya
loke mester keda leu for di nos porta

Si libertat ta:
emper drumi dushi
pasobra ya a kòrta otronan su lenga malisiosamente

Si libertat ta:
Kome loke bo ke, ki ora ku bo ke,
i lora kaska den korant den kua tin sufrimentu di hamber skondí

Si libertat ta:
Ku no tin nodi di realisá kiko a liberá mi,
pakiko mi ta liber,
kiko tur dia tin mi será den mi libertat

Si libertat ta:
Warda te dia ken ku ta bin librami
dje terornan den kua mi ta kere ku sertesa apsoluto

Si libertat ta pleistu mi pensamentu tapa,
si libertat ta huma rònt di mi i den mi,
sin ku abo por gar’é

Si libertat ta protehé mi for di bo ideanan
ku ta muchu diferente for di esunnan di mi

Si awe libertat pa ami ta asina natural.
anto abo no por komprond’ é

Anto libertat ta hanchu pa mi i smal pa bo
Anto libertat ta bashí, sin kompromiso

Ma mi por ta liber pa entregá algu di mi demasiado libertat
– klaro, si tur dos banda ta di akuerdo –
pa un ratu òf mas largu, pa abo keda liber
di mi libertat sofokante

Marion Bloem

Papiamento translation by Philip A. Rademaker
From English translation “Freedom” by Angela E. Roe