Воля

Калі воля азначае тваё маўчанне,
таму што мне ёсць што сказаць,

Калі воля – гэта ты за рашоткай, а нам ня трэба баяцца,
што ты паводзіш сябе не так і ўсё адмаўляеш,

Калі воля – гэта строга вызначанае заўтра,
што робіць сёння яшчэ карацей,

Калі воля – гэта замкнуць дзверы і назіраць на экране ўсё тое,
ад чаго лепш трымацца далей,

Калі воля – гэта мой салодкі сон з-за таго,
што ўсе іншыя языкi выразаны,

Калі воля азначае есці ўсё, што пажадаеш і калі пажадаеш,
кідаючы з’едкі ў газеты, у якіх схаваўся голад,

Калі воля азначае, што мне не патрэбна ведаць пра тое,
што вызваліла мяне, што трымае мяне вольным,
што кожны дзень стрымлiвае мяне ў воле,

Калі воля – гэта чаканне звальнення мяне ад страхаў,
у якія я шчыра веру,

Калі воля душыць мае думкі, калі воля лунае вакол мяне і ўва мне,
але для цябе яна няўлоўна,
Калі воля абараняе мяне ад тваіх ідэй,
якія занадта непадобныя да маіх,

Калі воля здаецца мне сёння такой відавочнай,
а ты ўсё не можаш ухапіць яе сэнс,

Тады воля – гэта арлы для мяне
і рэшкі для цябе,
Тады воля лёгкая і капрызная,

Тады напэўна я адмоўлюся ад часцінкі маёй залішняй волі,
зразумела пры нашай узаемнай згодзе, на імгненне або даўжэй,
каб вызваліцца ад гэтай задушлівай волі.