Libertat

Se èstre liure es : tu, te cales
que ieu, ai quicòm a te dire

Se èstre liure es : tu, metut darrièr los barrèus
que alara deuriam pas pus aveire paur
de tas manòbras e de tos actaments

Se èstre liure es : jutjar severament
los endemans per fin qu’ avuèi
siaga un pauc mens long

Se èstre liure es : barrar las pòrtas
e agachar liurament a l’ecran çò que
deuriá restar a distença bona

Se èstre liure es dormir tranquillament
per de qu’avèm desliuradament copat la paraula a autrú

Se èstre liure es : manjar çò que vòles e quora lo vòles
tot en daissant tombar las espelucas dins los jornals
que pàssan la talent jos silenci

Se èstre liure es : pas vòler saupre çò que m’a desliurat
per fin de me reténer totes los jorns
presonièr d’aquela libertat

Se èstre liure es : esperar que l’autre
me desliure de mas engoissas a las qualas
acòrdi una sagrò santa fisança

Se la libertat pausa un pessament sus mas soscadas

Se la libertat volteja a l’entorn de ieu, en ieu e als entorns
mas que seriá incapidoira per tu

Se la libertat me para
de tas idèas que me son per tròp desparièras

Se la libertat per ieu me sembla
uèi tant evidenta e que tu, desabes
çò qu’aquò vòl dire

Se la libertat per ieu tomba costat pila
e per tu cara contra tèrra
alara la libertat será un buf forciu

Mas alara benlèu balharai d’aire
de molar una partida
de ma risenta libertat – per tant
de segur que siaguèm mutualament d’acòrdi –
temporariament o per una durada mai longa
per fin de te desliurar
de mon estofanta libertat

Marion Bloem

Occitan translation by Stéphan Bord

The post Libertat in Occitan by Stéphan Bord appeared first on Freedom by Marion Bloem.

Libertat

Se èsser liure aquò’s: tu esta-suau, que ieu ai quicòm a
dire

Se èsser liure aquò’s: tu empreisonat, que atal ton
vejaire, e ton biaís de far diferents n’avèm pas mai
a n’aver paur

Se èsser liure aquò’s: jutjar despietadosament
l’endeman per l’amor que uèi siá un un pauc mens
long

Se èsser liure aquò’s: tampar las pòrtas e pas brica
geinat agachar al fenestron çò que deuriá demorar a
distanciá bona

Se ésser liure aquò’s: totjorn dormir siaudament
mentre qu’avèm empachats los autres de parlar

Se èsser liure aquò’s: manjar çò que vòles, quora z’o
vòles, tot daissant caire los retalhs dins los jornals
muts, a prepaus de la mala fam

Se èsser liure aquò’s: n’aver pas a saber çò que m’a
desliurat, çò que serva ma libertat, çò que sens pa s
cap de constrencha cada jorn m’embarra

Se èsser liure aquò’s: esperar que l’autre me
desbarrasse de mas angoissas que lor fau una fisança
gaireben sacrada

Se la libertat pausa un pensament sus mas pensadas,
Se la libertat volateja, al torn de ieu, dins ieu e dins
tota l’environa e que praqu’ò es per tu inagantabla

Se la libertat, m’apara de tas idèas que son plan tròp
desparièras de las meunas

Se la libertat me sembla uéi tan evidenta, mas que tu
sabes pas çò que vòl dire

Alara la libertat es per ieu crotz e per tu cara,
Alara la libertat es pas que lo buf del despotisme

Mas benlèu aurai la libertat de renonciar per un temps
mai o mens long a una partida de mon agradiva
libertat – per tant que siam d’acòrdi tu e ieu – fin que te
desliuri de mon estofeganta libertat.

Marion Bloem

Occitan translation by Pascale de Mari & Claude Marty

The post Libertat in Occitan by Pascale de Mari & Claude Marty appeared first on Freedom by Marion Bloem.